FAÍSCA [nº06/2014]

Un dos nosos compromisos é achegar a información municipal aos veciños/as dunha maneira transparente. Con esta nova edición da revista Faísca facemos un repaso da actualidade e das actividades postas en marcha durante o 2014 e aquelas que terán continuidade no 2015, coa fin de mantervos ao corrente do traballo levado a cabo por este goberno municipal.

Compartimos a idea común de que o Concello é a casa de todos, a institución máis próxima ao cidadán. Con esta revista reforzamos esta convicción e desexamos achegar a xestión municipal aos veciños/as de maneira que poidades coñecer mellar a xestión política e administrativa, estar informados/das dos investimentos en infraestruturas, das actividades, da programación cultural e deportiva e dos proxectos e realización dos diferentes departamentos municipais. Esperamos que todo o esforzo realizado sexa do vaso agrado.

lnformarvos que neste mes de decembro celebrouse o Pleno no que aprobamos o orzamento para o vindeiro exercicio 2015, onde de novo priorizamos os investimentos en materia de emprego, educación e servizos sociais. Os nasos esforzos están encamiñados en continuar cos investimentos máis necesarios dentro das obras e infraestruturas do Concello.

Comunicarvos tamén, que de cara ao próximo ano poñeremos en marcha a administración electrónica para o naso Concello, o que facilitará o acceso para a realización de trámites e consultas administrativas coa fin de facer un concello máis accesible para todos e todas.

Aproveito a ocasión para desexarvos esperanza e prosperidade para este novo ano que entra. Boas Festas de Nadal e un Feliz Ano 2015.

O Alcalde,
Manuel Taboada Vigo