FAÍSCA [nº05/2013]

Con este novo número de Faísca queremos, un ano más. achegarvos a información de interese aos veciños e veciñas de O Pino, onde vos mostramos os proxectos e investimentos que tacemos dende o goberno municipal.

Presentámosvos o noso traballo ó longo deste ano 2013, no que o noso obxectivo segue sendo dar cobertura a todas as vosas necesidades nos distintos ámbitos da vida municipal e continuar poñendo en marcha todas aquelas actividades e programas que teñen moi boa acollida entre os veciños e veciñas. Esperamos que todo o traballo que desenvolvemos e do cal aquí vos damos conta sexa do voso agrado, aínda que somos sabedores de que as veces non damos chegado a todo o que quixéramos debido á actual situación económica- financeira das Administracións Públicas.

Coincidindo co final de ano, vimos de aprobar o orzamento para o vindeiro exercicio 2014, no que continuamos coa política de contención do gasto corrente e do gasto de persoal. Sen embargo, aumentamos a partida de gasto social xa que para nós é prioritario seguir mantendo os servizos e os esforzos en materia de emprego, educación, xuventude e os servizos sociais, entre outros. Igualmente, subimos a partida de inversións, centrando os nosos esforzos en continuar cos investimentos máis necesarios dentro das obras e infraestruturas do concello.

Sen máis, quero agradecervos o voso apoio e a vosa comprensión, e desexarvos que teñades unhas Boas Festas de Nadal e un Feliz Ano 2014.

O Alcalde,
Manuel Taboada Vigo