FAÍSCA [nº04/2013]

Presentámosvos unha nova edición de Faísca, a revista de información municipal que publicamos con carácter anual, para que todos os veciñose veciñas esteades ó tanto dos investimentos, proxectos e actividades que puxemos en marcha durante este ano 2012.

O noso propósito é ser transparentes e informarvos de como transcorre a vida municipal ó longo do ano e en que investimos o orzamento municipal.

Queremos decirvos que, a pesar de todas as dificultades económicas que estamos atravesando e os recortes orzamentarios, e que cada vez é máis necesario un maior esforzo pola nosa parte para poder seguir ofrecéndovos as actividades e servizos que ata o de agora puxemos en marcha, seguiremos traballando baixo o propósito de facer máis gastando menos, e non gastar máis do que ternos.

Considero que sabemos xestionar ben os recursos municipais e aproveitalos para seguir traballando polo desenvolvemento do municipio e dos nosos veciños e veciñas. Sabemos que queda moito camiño por facer, pero sobre todo intentaremos que, a pesar da situación actual, os logros conseguidos ata o de agora se manteñan e que poidamos seguir disfrutando deles, e mellorando todo o que poidamos e o permita a economía municipal.

Como veredes no contido desta revista os orzamentos municipais baixan para o próximo ano, pero principalmente reducimos o gasto corrente e o gasto en persoal case nun 30%. Sen embargo, intentamos mantera inversión e incluso seguimos incrementando as partidas de servizos sociais.

Agradecer todo o voso apoio, e reiteramos o noso compromiso por seguir traballando a favor do benestar dos nosos veciños e veciñas e, especialmente no eido do emprego que é unha das nosas maiores preocupacións nestes momentos.

Aproveito este saúdo para desexarvos a todos os veciños, veciñas e visitantes unhas Felices Festas de Nadal e un ventureiro ano 2013.

Manuel Taboada Vigo