FAÍSCA [nº03/2012]

Coincidindo co final de ano, entregámosvos unha nova edición de Faísca, a revista de información municipal para darvos conta de todos os proxectos, actividades investimentos e que fomos poñendo en marcha no noso concello ó longo deste 2011.

O próximo ano 2012 será un ano difícil para todos, incluindo ás Administracións Públicas. O Concello de O Pino non é alleo a esta situación, polo que o principal propósito deste goberno municipal é traballar con responsabilidade e sentido común. Así o viñemos facendo nos últimos anos e, por iso, dentro dos concellos da Provincia de A Coruña, o noso é o que goza dunha mellor saúde económica.

No vindeiro ano continuaremos traballando a reo con novos proxectos, sen deixar de lado a inversión e o benestar dos nosos veciños, mantendo o gasto social, mesmo cunha subida de 8 puntos no orzamento do próximo ano, xa que somos sabedores de que haberá dificultades en algunhas familias.

Por todo isto, necesitamos que saibades entender que na época actual de crise na que vivimos, probablemente lle daremos preferencia a determinados proxectos que consideramos prioritarios, para que o investimento municipal sexa xusto para todos os/as veciños/as véndonos na obriga de prescindir da realización de outros proxectos menos necesarios.

Quero tamén aproveitar a ocasión para desexarvos un Bo Nadai e os meus mellores desexos para o vindeiro 2012, especialmente en saúde e traballo.

Para todos, unha forte aperta.
Manuel Taboada Vigo