O alumnado de 2º, 3º e 4º da ESO do CPI Camiño de Santiago puido ver esta mañá na centro sociocultural Luis Seoane a campaña de sensibilización que promove o Concello do Pino contra a violencia de xénero.
Un lienzo coas fotografías dos participantes en trece actividades municipais rexeitando a violencia machista é o fío condutor desta campaña, na que veciñas e veciños do Pino din NON á violencia contra a muller (a galería de fotos pódese ver no encabezado esta noticia e no Facebook do Concello).
Xa no salón de actos, a compañía A Panadaría fixo gozar e reflexionar aos asistentes coa representación teatral de ‘Elisa e Marcela’, a historia real do primeiro matrimonio homosexual feminino. Dirixida por Gena Baamonde, a obra foi creada e está interpretada por Areta Bolado, Noelia Castro e Ailen Kendelman.
Pouco despois, á unha da tarde e xa no propio colexio, o alumnado de 5º e 6º de Primaria e o de 1º de ESO sorprendíase coa ‘Maxia pola igualdade’ de Fanny Triana.
Todo isto mentres os vecinos que percorrían as rúas de Arca podían ver as bandeirolas conmemorativas do Día Mundial contra a Violencia de Xénero que se celebra este domingo, día 25, e coas que o Pino dille un rotundo NON á violencia contra as mulleres.
Unha campaña que o Concello de O Pino traslada tamén as súas redes sociais, cambiando a cabeceira da súa páxina oficial en Facebook na que tamén se incluiu o álbum de fotos desta campaña.
Esta campaña financiase con cargo aos créditos recibido do Ministerio de la Presidencia, Relaciones con las Cortes e Igualdad, a través de la Secretaría de Estado de Igualdad.
