O Concello do Pino pon a disposición da veciñanza un sistema de xestións de reservas en liña para facer as reservas de uso dos polideportivos municipais de Lameiro e Reboredo, da pista de pádel e da piscina descuberta de Lameiro.
As reservas nas instalacións municipais faranse a través dunha aplicación móbil ou dunha plataforma web á que se pode acceder ou descargar nos seguintes enlaces:
Os pavillóns municipais están abertos de luns a domingo de 9.00 a 23.00 horas. A piscina descuberta de Lameiro abrirá durante os meses de verán de 12.00 a 20.00 horas.
O regulamento de uso e reserva das instalacións municipais pode consultarse nos documentos adxuntos. O regulamento da piscina descuberta de Lameiro foi aprobado inicialmente no Pleno do 25 de xuño de 2025 e está pendente da súa publicación no BOP.
