Melchor, Gaspar e Baltasar repartiron hoxe ilusión entre centos de nenas e nenos do Pino que desafiaron ao mal tempo para achegarse ata os locais sociais e campos de festas das diferentes parroquias para entregarlle as Súas Maxestades as cartas e trasladarlle as últimas peticións. Todos escoitaron atentos as recomendacións dos Reis Magos, que lles pediron foran cedo para a cama e durmiran toda a noite, para que lle dera tempo a repartir todos os agasallos.
A comitiva real comezou o seu percorrido polo municipio na parroquia de Pereira, onde os esperaban moitos nenos e nenas acompañados de familiares. O percorrido matinal pasou despois por Castrofeito, Budiño, O Pino, Gonzar, Medín, Pastor e Lardeiros.
Despois de xantar, a comitiva trasladouse ata San Breixo de Ferreiros, San Mamede, San Miguel de Cerceda e Cebreiro, antes de chegar ao polideportivo de Reboredo, en Arca, onde os agardaban centos de persoas. A cativada estivo toda a tarde gozando cos hinchables e xogos que estaban montados no polideportivo.
O alcalde, Manuel Taboada, e a concelleira de Cultura, Eva Varela, entregaran os premios ás gañadoras do concurso de postais de Nadal. O debuxo de Nerea Garea García foi a autora da postal oficial coa que o Concello felicitou as festas a toda a veciñanza.
Melchor, Gaspar e Baltasar estiveron atendendo ás últimas peticións dos nenos no polideportivo. As persoas asistentes puideron degustar chocolate quente e roscón de Reis.
Parroquia de Castrofeito+
