Un total de quince persoas do Pino participaron no obradoiro de arte floral que promoveu o concello para aprender a facer centros con flores de temporada. No local social de Budiño recibiron onte os diplomas acreditativos as once participantes, que estiveron facendo cada unha un centro coa axuda de Susa Castro, a monitora deste curso. Este sábado remata o curso en Lardeiros, no que participan outras catro personas, que tamén recibirán o seu diploma.Nocións básicas para compoñer un centro aproveitando as flores que en moitas casas do concello abundan nesta época do ano era o obxectivo desta iniciativa da Concellaría de Educación e Cultura.
O curso foi impartido pro Susa Castro, da academia Centro de Estudios Tambre. Cada unha das asistentes tivo que pagar unha cota de 15 euros, que incluía unha tarrina e dúas esponxas por participante.
