- As sesións, teórico-prácticas, desenvolveranse os venres 17 de novembro e 1 de decembro //
- Poden participar todas as persoas maiores de 16 anos que o desexen enviando un correo a deportes@opino.gal //
O Concello do Pino programa dúas sesións teórico-prácticas para que todas as persoas maiores de 16 anos que o desexen poidan coñecer de primeira man os beneficios da práctica de pilates e de ioga. Ámbalas sesións son gratuítas.
A sesión de pilates e hipopresivos desenvolverase o venres 17 de novembro no pavillón de Lameiro entre as sete e as nove da tarde. Para inscribirse, hai que mandar un correo cos datos persoais a deportes@opino.gal. O prazo remata o mércores 15 de novembro ás 20.00 horas.
Pola súa parte, a sesión de ioga e meditación farase no centro sociocultural Luis Seoane o venres 1 de decembro, tamén entre as 19.00 e as 21.00 horas. A inscrición, que se realizará mandando un mail a deportes@opino.gal, estarán abertas ata o mércores 29 de novembro ás 20.00 horas.
