A Concellaría de Cultura do Concello de O Pino organizou hoxe dous contacontos na escola infantil Galiña Azul para conmemorar coa cativada o Día do libro. Os nenos de 1 a 2 anos escoitaron engaiolados o conto ‘No penico’, ao tempo que participaban coa propia concelleira Eva Varela na parte interactiva do libro. Despois foi Ana Vigo, a responsable da Biblioteca municipal, quen sorprendeu os ‘maiores’ de 2 a 3 anos contándolles o que acontecía na ‘Horta de Simón’, un coelliño que plantaba cenorias e outras verduras na horta.
Unha vez rematados os contos, a cativada puido coller o libro que máis lle gustaba da selección que dende a Biblioteca Municipal levaron ata a escola infantil para conmemorar o día adicados aos libros. Uns pasaban as follas un tanto engaiolados, mentres outros levábanllo as súas mestras e coidadoras para que estas llos leran.
Album de fotos no Facebook do Concello de O Pino.
