Dolores Ferro Seijo, de 96, estivo acompañada por súa irmá Carme, que xa fixo 103 ||
Manuela Ribas, de Gonzar; Sabina Gómez e Ricardo Carnota, de Budiño, recibiron tamén unha placa conmemorativa ||
Unhas 900 persoas acudiron á vixésimo cuarta edición da festa na área recreativa da Madalena ||
Sabina Gómez Barreiro (esquerda), Manuela Ribas Rey, Ricardo Carnota Nouche e Dolores Ferro Seijo, co alcalde e membros do equipo de goberno
O Concello do Pino celebrou hoxe a tradicional Xuntanza dos Maiores rendendo homenaxe a tres veciñas e un veciño nados en 1926 e 1927. Na vixésimo cuarta edición edición da festa, Dolores Ferro Seijo, veciña de Gonzar que fixo 96 anos o pasado 4 de abril, compartiu protagonismo coa súa irmá Carme, que con 103 anos é unha das aboas do municipio. Manuela Ribas Rey, tamén de Gonzar (95) e Sabina Gómez Barreiro (95) e Ricardo Carnota Nouche (95), ambolos dous de Budiño, tamén recibiron unha placa conmemorativa pola homenaxe.
Na área recreativa da Madalena déronse cita hoxe unhas 900 persoas para asistir a tradicional cita que organiza o Concello de O Pino para renderlle homenaxe ás persoas maiores do municipio, que nesta ocasión estivo amenizada pola Banda de Música de Touro (a de Arca está participando no Certame Internacional de Bandas de Benavente).
Despois do concerto da banda e da misa, oficiada por Jesús Rial e Antonio Golmar, os participantes puideron degustar un menú elaborado polo Restaurante A Magdalena, de Castrofeito, que mobilizou a un equipo formado por cincuenta profesionais.
Unha vez rematado o xantar, moitas das persoas asistentes animáronse a bailar na carballeira da Madalena coa música do dúo Eva e Camilo.
Dolores Ferro Seijo (esquerda), de 96 anos, compartiu protagonismo coa súa irmá Carme, que xa fixo 103 anos
