O Boletín Oficial da Provincia publica hoxe o anuncio da aprobación das bases ||
A convocatoria diríxese ás entidades veciñais, culturais, educativas, deportivas e de patrimonio histórico ||
A solicitudes presentaranse no prazo de 10 hábiles a contar a partir do día seguinte á publicación do extracto no BOP ||
O Boletín Oficial da Provincia (BOP) publica na súa edición de hoxe, martes 4 de abril, o anuncio da aprobación das bases da convocatoria de subvencións municipais destinadas a asociacións e entidades sen ánimo de lucro do Concello do Pino para o presente exercicio 2023. A convocatoria diríxese ás entidades veciñais, culturais, deportivas e do patrimonio histórico do Pino, co obxecto de promover e apoiar estas entidades como ferramentas activadoras e catalizadoras da participación cidadá. O Concello do Pino destina a estas axudas un total de 45.220 € de fondos propios.
As solicitudes presentaranse no prazo de 10 día hábiles contados a partir do día seguinte ao da publicación do extracto desta convocatoria no BOP.
O procedemento de concesión das axudas tramitarase en réxime de concorrencia competitiva. Antes da resolución definitiva, publicarase a listaxe provisional das axudas concedidas e outorgarase un prazo de cinco días naturais para que as asociacións e entidades sen ánimo de lucro poidan presentar as alegacións que estimen oportunas.
O prazo de xustificación da subvención será 1 de decembro deste ano para todas aquelas entidades que resulten finalmente beneficiadas con algunha destas axudas.
O anuncio da convocatoria, así como as bases da mesma e os anexos pódense consultar no arquivo adxuntos.
