A Xunta de Goberno local aproba mañá o regulamento das instalacións ||
A empresa adxudicataria da xestión das instalacións asinou o pasado día 12 o contrato de servizo ||
Máquinas de cardio do ximnasio municipal de O Pino
O Concello de O Pino abrirá o vindeiro luns, 3 de outubro, o ximnasio do polideportivo de Lameiro unha vez que a Xunta de Goberno Local aprobe mañá, martes, o regulamento de uso das instalacións e tras asinar o pasado día 12 o contrato de xestión do servizo coa empresa que resultou adxudicataria da licitación.
As novas instalacións contan, entre outros aparellos, con 5 cintas, 5 elípticas, 5 bicicletas e unha máquina de remo. Todas as persoas empadroadas no Pino poderán utilizalas de forma gratuíta de luns a sábado, en horario de mañá e de tarde, agás festivos e períodos de vacacións.
U uso destas instalacións estará supervisado por un monitor titulado da empresa VV Xestión de Actividades SL, que foi a adxudicataria do proceso de licitación que fixo público o Concello de O Pino este mesmo ano. De feito, a empresa asinou o contrato o pasado día 12.
Podes consultar os horarios e a normativa na seguinte ligazón.
