A contía asignada ascende a 5.752,44 euros ||
A axuda empregarase para impulsar proxectos comunitarios que contribúan á integración social e ao benestar emocional da veciñanza de maior idade ||
O Concello do Pino vén de ser beneficiario dunha subvención outorgada pola Deputación da Coruña no marco do Programa de subvencións a concellos e outras entidades locais para financiar actividades de envellecemento activo e actuacións de loita contra a soidade non desexada no ano 2024. Esta achega está dirixida a desenvolver iniciativas orientadas a mellorar a calidade de vida das persoas maiores do municipio e fomentar a súa participación activa na sociedade.
A contía asignada ao Concello do Pino ascende a 5.752,44 euros, unha axuda que se empregará para impulsar proxectos comunitarios que contribúan á integración social e ao benestar emocional dos nosos veciños e veciñas de maior idade. O programa municipal en materia de envellecemento activo integra actividades de lecer e culturais con propostas como os obradoiros de bolillos e corte e confección, os cursos de informática, os talleres de memoria e risoterapia ou as actividades interxeracionais. Para máis información preme no seguinte enlace
Esta subvención outorgada pola Deputación permite reforzar o compromiso do Concello do Pino co benestar da poboación maior, promovendo espazos de encontro e convivencia que favorezan unha vida plena e activa. Ademais, as accións que se levan a cabo axudan a combater unha problemática tan complexa como é a soidade non desexada, que afecta cada vez a máis persoas na nosa sociedade.
O obxectivo do Concello do Pino é consolidarse como un municipio inclusivo, dinámico e sensible ás necesidades da súa veciñanza, priorizando as políticas sociais e o benestar comunitario.
A resolución do BOP pode consultarse no documento adxunto.
