- Nenas e nenos recitaron versos de ‘Adiós ríos, adiós fontes’ nun vídeo conmemorativo ||
- Debuxaron un marcapáxinas con este poema e recibiron un agasallo da concellaría de Cultura ||
Rosalía de Castro naceu o 24 de febreiro de 1937 en Santiago de Compostela, nunha casa do Camiño Novo que hoxe leva o seu nome. A poeta máis famosa da literatura galega faría hoxe 184 anos. O Concello do Pino publica hoxe un vídeo conmemorativo no que o alumnado da escola unitaria de Gonzar recita versos de Adiós ríos, adiós fontes.
Para conmemorar o Día de Rosalía neste 2021, a concellaría de Cultura do Pino implicou ao alumnado e profesora da escola unitaria de Gonzar. Durante estes días, Susana, a súa profesora, explicoulles aos once nenos e nenas quen era Rosalía de Castro e contoulles algunhas anécdotas da súa vida e obras.
O pasado luns, o alumnado estivo pintando e debuxando un marcapáxinas conmemorativo, co poema Adiós ríos, adiós fontes que levaron de recordo para as súas casas. Logo estiveron recitando algúns dos versos para gravar un vídeo conmemorativo co que todos celebran o nacemento de Rosalía de Castro.
