O pabillón polideportivo de Reboredo, en Arca, acollerá este venres, 27 de maio, a clausura das Escolas deportivas municipais do Pino, nas que participaron preto de 150 escolares do municipio. O acto, que comenzará ás 18.30 horas, contará con diversas actuacións nas diferentes disciplinas desenvolvidas ao longo destes meses nas escolas deportivas.
Entre as actuacións previstas destacan as de patinaxe, no seus cinco niveis. Tamén haberá unha exhibición de ximnasia rítmica e outra de baile moderno. O público asistente poderá gozar de exhibicións de multideporte, badminton, baloncesto e mesmo fútbol sala.
O alcalde do Pino, Manuel Taboada, será o encargado de pechar o acto, no que se entregarán medallas a todos os nenos e a todas as nenas participantes nas Escolas deportivas municipais 2021-2022.
