Os atletas arzuán Lolo Penas e a muradana Tina Fernández cumpriron onte cos pronósticos que os perfilaban como favorito do medio maratón O Gran Camiño e dominaron a proba dende que se deu a saída en Arzúa. Na meta de Arca ambos foron os primeiros na xeral masculina e feminina. Penas parou o cronómico en 1:11:50 horas tras percorrer os 21 quilómetros desta media maratón, mentres que Fernández marca un tempo de 1:28:09 (Ver clasificacións oficiais neste enlace).
Lolo Penas, que milita no Club Atletismo O Pino, dominou a carreira dende a saída en Arzúa, e xa antes de chegar ao quilómetro 7 sacáballe uns metros de vantaxe ao segundo clasificado, José Manuel Vieito Vilacoba, que rematou cun tempo de 1:12:14. Akka Essaadaoui foi terceiro con 1:14:40.
Algo similar pasou na categoría feminina. Na que Tina Fernández non deu tregua a ningunha das súas rivais, ocupando o primeiro posto dende Arzúa ata a meta de Arca. A corredora do Atletismo Sar-Vermú Petroni marcou un tempo de 1:28:09. Silvia García Lorenzo, con 1:36:24 e Sandra Fernández Yáñez, con 1:39:01 completaron o podio feminino
Entre os 220 corredores que tomaron onte a saída en Arzúa figuraba o peregrino canario Jesús Martin Vargas, que tras chegar a Arca facendo o Camiño de Santiago e ver que se ía celebrar a proba, solicitoulle a organización o poder participar e foi quen de rematar no posto 25 da xeral cun tempo de 1:24:57.
Na categoría de clubes, o primeiro posto foi para o Atletismo Sar Vermú Petroni, con 69 puntos, seguido do Club Atletismo O Pino, con 77, e o Tambre Bike & Running, con 208 puntos.
Na entrega de trofeos aos gañadores participaron o alcalde de O Pino, Manuel Taboada, xunto con concelleiros José Manuel Carreira, Eva Varela e José Fuentes; así como a concelleira de Arzúa Mª Carmen Fuentes.
Clasificacións por categorías
Absoluta masculina: Manuel Penas Blanco (1:11:50), José Manuel Vieito (1:12:14) e Akka Essaadaoui (1:14:40).
Absoluta feminina: Tina Fernández (1:28:09), Silvia García Lorenzo (1:36:24) e Sandra Fernández Yáñez (1:39:01).
Sub-23 feminino: Lucía Quintela Casal (1:56:41)
Senior masculino: Rubén Insúa , Ricardo León, Xan Collazo
Senior feminino: Yan Li Chen Lin
Master 1 masculino: Alberto Carou Carril, José Luis González Núñez e Óscar Diéguez Pintor
Master 1 feminino: Shaila Muñiz Pérez, Cristina Carril Boo e Berit Sommerfelt
Master 2 masculino: José Miguel Gómez Sánchez, Lucas Pouso e Vidal Federico Losada
Master 2 feminino: Laura Núñez Naveira, María Carmen Penas Blanco e Yolanda Campos Rivas
Master 3 masculino: Carlos Busto Lobato, Juan Ramón Ferreiro López e José López Fernández
Master 3 feminino: Isabel Felgar López, Susana Parguiña Fernández e Araceli Veiga Bermejo.
A proba organizada polos concellos de O Pino e Arzúa, contou coa colaboración da Federación Galega de Atletismo e o patrocinio da Secretaría Xeral para o Deporte da Xunta, Coca Cola, Gonzacar e Clínica de Fisioterapia LR.
Pódense ver albums de fotos da proba no Facebook do Concello de O Pino. Nos seguintes enlaces: Saída de Arzúa, corredores ao seu paso pola parroquia de Ferreiros; chegada a liña de meta na praza de Forcarei, en Arca, e fotos dos podios e entrega de premios
