Santa Claus e unha recreación do Portal de Belén levaron os premios aos mellores disfraces da categoría absoluta, que nas categorías escolares gañou un elfo ||
Debris Paniagua Rodríguez, do Club Atletismo O Pino, e Daniel Loureiro Mosquera, do C.A. Santiago, gañaron a primeira edición da San Silvestre do Pino que este sábado xuntou a preto de 150 atletas de todas as idades.
Santa Claus, mantecados, regalos, elfos ou unha recreación completa do Portal de Belén (Reis Magos incluídos) déronlle colorido e moito ambiente de Nadal a primeira edición desta proba organizada polo Concello do Pino en colaboración co Club Atletismo O Pino e a Federación Galega de Atletismo.
Na categoría absoluta masculina, Daniel Loureiro (11:16), Daniel Maneiro (11:26) e Carlos Fraga (11:42) os dous do C.A. O Pino, foron os gañadores da proba. Na categoría feminina as primeiras en rematar os catro quilómetros de percorrido foron Debris Paniagua (11:42) e a súa irmá Demeku (11:57), seguidas de María del Carmen Rodríguez (16:48), da SD Compostela Atletismo.
Nas categorías escolares participaron preto dunha trintena de atletas nas dúas probas disputadas, que levaron unha medalla como recordo tras finalizar os percorridos de 160 e 340 metros.
Os premios aos mellores disfraces da categoría absoluta foron para Santa Claus (na modalidade de individual) e o Portal de Belén, na de grupo. Nas categorías escolares só se entregou o premio individual a un elfo.
A concelleira de Cultura, Eva Varela, e o de Obras, José Fuentes, entregaron os premios.
Ao rematar, todas as persoas participantes puideron degustar chocolate con churros.
O Portal de Belén. Mellor disfrace grupal na categoría absosluta
