Hoxe comezaron no concello do Pino os labores de desinfección das zonas máis concorridas da capital municipal. Para colaborar na prevención da propagación do coronavirus Covid-19, o Concello de O Pino contratou unha empresa especializada.
Os traballos comezaron esta mañá nos arredores do centro médico. Os operarios tamén desinfectarán durante o estado de alarma aqueles lugares de Pedrouzo, a capital municipal, que reciben máis afluencia de público: farmacias, supermercados, tendas de alimentación, etc.
A intención do Concello é poder desinfectar con lixivia, polo menos dúas veces por semana, aqueles lugares máis transitados, aos que a poboación pode acudir estes días malia o confinamento decretado polo Goberno.
