O Concello de O Pino xuntou esta tarde na área recreativa da Magdalena a 70 persoas na Andaina pola Igualdade para poñerlle punto final á violencia de xénero. Con esta actividade concluíron os actos programados polo Concello para conmemorar o Día Internacional contra a Violencia de Xénero.
Os e as participantes saíron por grupos familiares, con marxe de tempo suficiente para respectar a distancia de seguridade, e percorreron 5 quilómetros preto da área recreativa da Magdalena, onde comezou e rematou esta proba.
Antes de iniciar a andaina, o alcalde, Manuel Taboada, e a concelleira de Servizos Sociais, Mercedes Vázquez, leron a declaración institucional do 25 de novembro, co que o Concello de O Pino manifesta contra a violencia de xénero. “Debemos impedir os intentos de xustificar, minimizar, banalizar ou ocultar a violencia de xénero, ademais de denunciar calquera tipo de maltrato cara a muller e visibilizar uns agresores que non nos representan na construción da sociedade que queremos, asentada sobre os principios de liberdade, de xustiza e de equidade”, sinala o manifestó, que se pode ler íntegro neste enlace (preme aquí).
Ao rematar a andaina, cada participante recibiu unha máscara como recordo.
Galería de fotos no Facebook do Concello de O Pino (preme aquí)
