As familias terán ata o venres 31 de marzo para efectuar o abono das cotas correspondentes ||
O xustificante de pago deberá ser entregado nas dependencias do Concello de O Pino ou a través da sede electrónica ||
O Concello do Pino vén de facer público o decreto coa listaxe das nenas e dos nenos admitidos no Lecer Semana Santa 2023, o campamento urbano destinado ás crianzas de 3 a 12 anos do municipio para favorecer a conciliación da vida familiar e laboral durante as vacacións escolares. O Lecer Semana Santa ofertaba un total de 50 prazas e presentáronse 30 solicitudes. Todas elas foron aprobadas.
As familias terán de prazo ata o venres 31 de marzo para proceder a facer efectivo o pagamento das taxas correspondentes e a remitir o xustificante de pago nas dependencias do Concello ou a través da sede electrónica. O programa ten un custo de 10 euros por nena ou neno, se ben as familias numerosas beneficiaranse cun desconto do 20% a partires da segunda filla ou do segundo fillo.
O abono deberá efectuarse mediante o ingreso na conta bancaria de ABANCA: ES70 2080 0337 1131 1000 0078, especificando o nome da persoa usuaria e as datas de asistencia.
Aquelas persoas que renuncien á praza adxudicada deberán comunicalo presentando un escrito na sede electrónica de forma telemática ou, de xeito presencial, no rexistro do Concello.
O Lecer Semana Santa no pavillón municipal e exteriores do CPI Camiño de Santiago en catro sesións: os días 3,4,5 e 10 de abril, en horario de 8.30 a 14.30, podendo efectuarse a recollida das rapazas e rapaces a partir das 13.30 horas.
A listaxe de nenas e nenos admitidos, así como a taxa a abonar, pódese consultar no arquivo adxunto.
