Manoele de Felisa ofrecerá o vindeiro sábado na casa de cultura de Arca o seu espectáculo Cancioneiro do Camiño. Un percorrido teatralizado por 18 cancións tradicionais e de autoría propia no que Manoele de Felisa repasa historias acontecidas nos Camiños dende achegada do Apóstolo a Galicia até hoxe.
O acceso ao auditorio é gratuíto, pero é necesario reservar previamente entradas, dende hoxe mesmo, chamando ao teléfono 981 511 065 (de 10.00 a 14.00 horas ata o venres) ou por correo electrónico ao enderezo cultura@opino.gal. Para facer as solicitudes por correo electrónico é necesario facilitar nome, DNI e un número de teléfono de contacto.
O día do concerto, as persoas con reservada deberán presentarse cun mínimo de 15 minutos de antelación ao inicio do concerto (antes das 19.15 horas). De non facelo, esas prazas quedarán a disposición das persoas que se atopen na entrada sen reserva, e iranas ocupando por orde de chegada.
O concerto de Manoele de Felisa estaba previsto xa para o mes de xullo, dentro do Festival Folk coincidindo coa Festa do Galo Piñeiro. Naquel momento foi suspendido pola incidencia da covid-19 no municipio.
