-
As edificacións, construcións e instalacións deben estar dedicadas total e exclusivamente a estas actividades ||
-
A solicitude debe presentarse xunto cunha declaracións responsable no rexistro do concello ou por sede electrónica ||
O Concello de O Pino ten xa preparado o formulario de solicitude para que todas as persoas titulares de explotacións gandeiras, agrarias e forestais poida solicitar a bonificación do 95% da cota íntegra do IBI (contribución) destas instalacións. A solicitude debe ir acompañada dunha declaración responsable.
Os titulares das explotacións deben solicitarlle ao concello que declaren estas construcións, edificacións e instalacións de especial interese ou utilidade municipal, o que implicará a bonificación do 95% da cota íntegra do recibo da contribución.
A veciñanza pode solicitar estas rebaixa con efectos de 1 de xaneiro de 2022, polo que xa se poderán beneficiar deste desconto o vindeiro ano se o solicitan con tempo suficiente.
Esta bonificación é posible despois do acordo plenario do 30 de setembro de 2020, que fora presentada polo equipo de goberno e aprobouse por unanimidade dos tres grupos políticos da Corporación. Nesa sesión acordouse modificar o artigo 4 da ordenanza reguladora do IBI.
O único requisito para poder ter dereito a esta rebaixa é que a totalidade das construcións, edificacións ou instalacións para as que se pide a bonificación estean dedicadas, total e exclusivamente, á actividade agraria, gandeira ou forestal.
A solicitude pode descargarse no documento adxunto. Unha vez cuberta deberá presentarse no rexistro do Concello ou a través da sede electrónica de O Pino.
