O Concello debe aportar outros 29.400 euros as obras, que se desenvolverán este ano e tamén en 2025 ||
O Concello o Pino vén de aceptar unha subvención de 117.799,59 euros para financiar con fondos europeos e autonómicos as obras de mellora da eficiencia enerxética do centro sociocultural Luis Seoane, que contará tamén cunha aportación municipal de 29.449,90 euros.
A mellora enerxética do centro sociocultura Luis Seoane vai contar cunha aportación de 88.349,69 euros do Fondo Europeo de Desenvolvemento Rexional (Feder), e con 29.449,90 euros da Xunta de Galicia.
O Concello conseguiu esta achega ao abeiro da orde do 16 de xaneiro pola que se establecen as bases reguladores e se convocan subvencións, de carácter plurianual e en. Réxime de concorrencia competitiva, para a realización de obras de eficiencia enerxética en edificios e infraestruturas vinculadas á prestación de servizos municipais, destinadas a concellos de Galicia, cofinanciadas pola Unión Europea no marco do programa Galicia Feder 2021-2027, publicadas no DOG do 18 de xaneiro deste 2024.
