Veciños do Pino que asistiron en xaneiro á presentación da parcelaria de Gonzar
O Concello de O Pino decidiu repetir este mércores, xoves e venres as xornadas informativas sobre a revisión do Catastro que xa organizou a semana pasada, para solventarlles aos veciños as dúbidas que poidan ter ao respecto. Os interesados poden acudir á casa de cultura de 09.00 a 14.00 horas..
Ao igual que noutros moitos municipios, os veciños do Pino están a recibir cartas da Xerencia Territorial do Catastro nas que lles comunican o resultados das regularizacións que se están a facer, e que repercutirá no recibo da contribución (IBI).
Para despexar as dúbidas que poidan ter os veciños, o Concello contratou a unha empresa que a semana pasada xa estivo toda a mañá atendendo á veciñanza.
Dado o elevado número de asistentes, estas xornadas informativas vanse repetir o mércores, xoves e venres desta semana, 3, 4 e 5 de outubro. As reunións celebraranse no centro sociocultural Luis Seoane de 09.00 a 14.00 horas.
