A empresa encargada do abastecemento de auga potable no Pino, Viaqua SA, remitiu unha información ao Concello informando que durante a xornada de onte e durante o día de hoxe puidose apreciar certa turbidez na auga da traída.
Esta situación é debido as primeiras choivas acontecidas despois do verán, que xunto coa apertura de camiños da concentración parcelaria de Gonzar, provocaron o arrastre de terras ata o río Mera, onde se produce a captación de auga. Esta situación provocou dificultades na depuradora de Arca, polo que a auga saira turbia nos fogares.
No día de hoxe, gracias ao proceso de depuración e tratamento na depuradora, a auga que se está a subministrar xa se atopa dentro dos valores habituais de calidade do servizo, e irase recuperando gradualmente naquelas zonas con pouco consumo. Nestes pequenos ramais a situación irase recuperando en canto se vaia purgando e renovando a auga ata chegar aos valores habituais, segundo informa Viaqua.
