-
Moitos nenos e nenas, acompañados de familiares, acudiron a pedirlle ás Súas Maxestades os regalos que queren recibir esta noite //
-
O Concello entregou os premios aos gañadores do Concurso de Postais antes da recepción oficial no polideportivo de Arca //
-
A festa rematou con chocolate e roscón de reis //
No Polideportivo da Parroquia de Arca
As Súas Maxestades os Reis Magos de Oriente empezaron esta mañá en Pereira o seu percorrido polas parroquias de O Pino para repartir ilusión e falar cos numerosos nenos e nenas que se achegaron ata os campos de festa para pedir os últimos regalos para esta noite.
A comitiva real comezou a súa visita na parroquia de Pereira, ás 10.45 horas, pasando ao longo da mañá por Castrofeito (11.10 h.), Budiño (11.35 h.), O Pino (12.00 horas), Gonzar (12.20 h.), Medín (13.00 h.), Pastor (13.30 h.) e Lardeiros, ás 13.50 horas.
No Polideportivo da Parroquia de Arca
Despois de xantar, pola tarde, a comitiva encabezada por Melchor, Gaspar e Baltasar retomará o itinerario ás 17.30 horas na parroquia de San Breixo, para continuar por San Mamede (17.45 h.), San Miguel de Cerceda (18.05 h.), Cebreiro (18.30 horas) e chegar ás 19.30 horas ao polideportivo municipal de Reboredo, en Arca, onde terá lugar a recepción oficial.
Esta festa tan especial volveu rematar no polideportivo de Arca, ao que acudiron centos de menores para gozar dos inchables e da festa que durou ata que ás 19.30 horas chegaron as Súas Maxestades para falar con todos os que quixeron trasladarlle ás últimas peticións. Durante a espera, o alcalde, Manuel Taboada, e a concelleira de Cultura, Eva Varela, entregaron os premios do Concurso de Postais ás persoas gañadoras. Tras a recepción oficial, a festa rematou co reparto do tradicional chocolate e roscón de Reis a todas as persoas asistentes.
Podes ver máis fotos no Facebook do Concello neste enlace
