O Concello de O Pino acaba de substituír 306 puntos de alumeado público para colocar luminarias de tecnoloxía led para acadar un aforro enerxético superior ao 30 por cento. Esta actuación, que permitiu a renovación de 16 instalacións e a substitución de 16 cadros de medida, supuxo unha inversión de 174.964,60 euros, dos que 139.971,68 foron cofinanciados polo Fondo Europeo de Desarrollo Regional (Feder) da Unión Europe e xestionados polo Instituto para a Diversificación y Ahorro de la Energía (IDAE) do Ministerio para a Transición Ecolóxica.
Coa colocación de luminarias de tecnoloxía LED neste 306 puntos de luz o Concello de O Pino vai conquerir un importante aforro enerxético, superior ao 30 por cento, xa que ata o de agora utilizábanse lámparas de vapor de sodio ou de halogenuros metálicos que teñen un maior consumo.
As novas luminarias, que se incluíron no proxecto de ‘Renovación de alumeado público anexo á N-547 no concello de O Pino’, foron colocadas na Rúa, O Burgo, Santa Irene, Regas, Ras, Quintas, Salceda, Castro, Brea, lugar da Ponte, O Xen, Rourís, A Xesta, lugar da Torre e Vimeiro.
