O Concello de O Pino reabriu o luns 25 de maio a biblioteca municipal, situada no centro sociocultural Luis Seoane, seguindo o protocolo de seguridade e hixiene recomendado polo Ministerio de Cultura.
As persoas interesadas deben consultar o catálogo virtual dos fondos bibliotecarios na rede de bibliotecas públicas de Galicia (preme neste enlace). Unha vez elixida a obra que queren ler, poden chamar a biblioteca (981 511 065) ou enviar un correo electrónico a biblioteca@opino.gal para solicitar os exemplares. Estes recóllense ao día seguinte na hora concertada.
Canto ás devolucións, a biblioteca dispón dunha caixa para depositalas no horario de atención ao público, que nesta fase é de de 9.30 a 14.00 horas. Os libros manipulados estarán en corentena 14 días unha vez devoltos.
Para acceder ao edificio do centro sociocultural só se permite unha persoa por quenda (os menores de 14 anos deberán ir acompañados por un adulto) e respectando sempre a distancia de seguridade e as medidas de hixiene recomendadas polas autoridades sanitarias. Para tal fin, nas zonas de acceso á biblioteca hai dispensadores de xel hidroalcólico.
