A sétima edición de ‘Camiña e Descubre’ aprázase ata principios do ano que ven ||
O Clube dos Venres e o Nadal Benéfico seguen formando parte do ampla programa cultural do outono ||
O vindeiro luns, 28 de setembro, o Concello de O Pino abre o prazo de inscrición para os cursos de bolillos, bordado ao aire e costura que se impartirán durante o outono no centro sociocultural Luís Seoane de Arca, e que este ano contarán con grupos reducidos para respectar a normativa da covid-19.
A artesá Ana Rosa Lista será a encargada de impartir un ano mais o curso de bolillos, que se vai celebrar os mércores na casa de cultura. Ana Rosa é unha artesán con gran formación, experiencia e varios premios dentro do mundo do encaixe e o bordado, a que o Concello de O Pino lle rendeu unha homenaxe o pasado mes de decembro. Un acto no que a artesá anunciou que lle regalaba ao Concello unha réplica do cadro de Luís Seoane ‘O gaiteiro de Arca’ que a artesá fixo con encaixe.
Ana Rosa tamén continuará co curso de bordado ao aire, que se vai celebrar os mércores. As persoas interesadas en formarse e perfeccionar a súa técnica cos bolillos e de bordado deberán pagar 30 euros.
O curso de costura impartirase os xoves pola tarde e tamén os martes ou mércores pola mañá, data que se concretará cando remate o prazo de inscrición. O prezo deste curso é de 20 euros.
Para evitar a propagación do coronavirus e cumprir coa normativa covid-19 que establecen as autoridades sanitarias, o curso de bolillos contará cun máximo de 6 persoas por grupo, e o de costura cun máximo de 5. Será obrigatorio o uso de máscara e as persoas que se matriculen deberán asinar unha declaración responsable para cumprir cos protocolos que diten as autoridades sanitarias. Os impresos de matrícula e demáis documentación requerida pódese cubrir descargando os arquivos adxuntos.
Dende a Concellaría de Cultura tamén se quere reactivar o Club dos Venres, para favorecer un espazo de intercambio e lecer entre a veciñanza de máis de 50 anos, con xogos de cartas, conversas ou saídas que se irán adaptando a situación da pandemia provocada pola covid-19.
Neste mesma liña, a sétima edición do programa Camiña e Descubra retomarase a principios do ano que ven, se a situación o permite. A intención é seguir percorrendo e descubrindo as paisaxes que se poden contemplar facendo diferentes tramos do Camiño de Santiago.
A partir do día 1 de decembro volverase a organizar de novo o Nadal Benéfico, que ademais de actividades lúdicas e culturais promove a recollida solidaria de produtos non perecedoiros, de limpeza e de hixiene para distribuír despois, entre as familias con menos recursos do municipio durante o resto do ano.
Dende o 1 de decembro e ata o 31 de xaneiro de 2021, habilitarase un caixón na casa da cultura para que todas as persoas interesadas poidan colaborar con esta iniciativa. Durante o resto do ano, o departamento de Servizos Sociais do Concello encárgase de distribuír estes produtos donanes entre aquelas familias que pasen situacións de apuro ou necesidade.
