Chega a fin de semana máis grande do ano no concello de O Pino. A X Feira Celta abre o venres 2 de agosto na praza de Forcarei uns días de celebración e troula, que continúan ca XX Festa do Galo e a Mostra Cabalar do sábado e domingo. O evento comeza ás 18:00 horas, para continuar durante tres xornadas. Nesta festa temática haberá unha multitude de opcións para gozar con animación, artesanía, alimentación, exposicións e tamén un rincón infantil. Ademais, ao remate de cada xornada levarase a cabo un espectáculo de malabares e de fogos artificiais.
Durante os tres días haberá diferentes actividades para todos os públicos, con mostras de diferentes oficios tradicionais, demostracións de cetrería e moitas máis actividades, amenizadas con música coma os pasacalles de Treefolk.
A Feira Celta tamén fará gozar aos máis pequenos gracias á zona infantil, que conta con pasatempos para a cativada como mesas de xogos e atraccións. O mestre arqueiro Regino tamén sorprenderá coa súa técnica no tiro con arco.
A tradicional Feira Celta é o primeiro dos eventos que Arca (O Pedrouzo) vai acoller durante esta primeira fin de semana de agosto e que forma parte da XX Festa do Galo Piñeiro, xunto coa Mostra Cabalar.
