Atendendo ás últimas medidas e recomendacións achegadas pola Xunta de Galicia sobre o Covid-19, o Concello do Pino acordou o peche temporal do centro sociocultural Luis Seoane, da biblioteca municipal e da aula de informática, así como a suspensión temporal xa dende mañá das actividades ocio-culturais e da ximnasia para maiores.
Respecto das actividades extraescolares que se fan en coordinación co CPI Camiño de Santiago, seguirase a recomendación da Xunta de Galicia. Deste xeito, mañá, venres, serán opcionais para o alumnado que acuda ao colexio. Dende o luns, suspéndense tamén estas actividades.
Esta decisión adóptase seguindo as recomendacións das autoridades sanitarias en relación coa contención do coronavirus Covid-19.
Para solicitar información xeral sobre o novo coronavirus, a Xunta de Galicia pon a disposición da poboación o teléfono gratuíto 900 400 116. Así mesmo, neste enlace pódese consultar toda a información que están a ofrecer as autoridades sanitarias de forma actualizada.
