O vindeiro venres 31 de maio o Concello de O Pino celebrará a clausura das Escolas deportivas municipais correspondentes ao curso 2023-2024, nas que participaron máis de 200 escolares. O evento desenvolverase no pavillón polideportivo de Reboredo a partir das 17:00 horas.
A xornada contará cun variado programa de actuacións deportivas, que inclúe demostracións de fútbol sala, ximnasia rítmica, baile moderno, patinaxe e bádminton, en diferentes niveis.
O acto finalizará coa clausura oficial e coa entrega de medallas aos participantes, recoñecendo así o esforzo e a dedicación mostrados ao longo de todo o curso.
Este evento constitúe un punto de encontro para valorar o traballo realizado polos deportistas, os monitores e os adestradores, así como para agradecer o apoio das familias que acompañaron e animaron aos participantes durante todo o ano.
O programa de actuacións é o que segue:
- Fútbol sala nivel I
- Ximnasia rítmica: “Mary Poppins”
- Mix de baile moderno I
- Patinaxe nivel I: “El Rey León”
- Fútbol sala nivel II
- Patinaxe nivel II: “Moteros y surferos”
- Bádminton
- Mix de baile moderno II
- Patinaxe nivel III: “Shake it off”
- Patinaxe nivel IV individual: “Titanium”
- Patinaxe nivel V: “I gotta feeling”
- Patinaxe nivel IV: “I’m good”
- Clausura e entrega de medallas
