20 de setembro de 2022
Publícase hoxe día 20 de setembro o extracto das bases para subvención de asociacións veciñais, culturais, deportivas e de patrimonio histórico. O prazo de presentación transcorre nos 10 días hábiles posteriores a esta publicación. É dicir, desde mañá mércores 21 ata o martes 4 de outubro. O extracto das bases pode ser consultado no documento adxunto:
14 de setembro de 2022
O Boletín Oficial da Provincia (BOP) publicou na súa edición de onte, martes 13 de setembro, as bases da convocatoria de subvencións municipais destinadas a asociación e entidades sen ánimo de lucro do Concello do Pino para o presente exercicio 2022. A convocatoria diríxese ás entidades veciñais, culturais, deportivas e de patrimonio histórico do Pino, co obxecto de promover e apoiar estas entidades como ferramentas activadores e catalizadoras da participación cidadá. O Concello do Pino destina a estas axudas un total de 37.000 € de fondos propios.
As solicitudes presentaranse no prazo de 10 días hábiles contados a partir do día seguinte ao da publicación do extracto desta convocatoria no BOP.
O procedemento de concesión das axudas tramitarase en réxime de concorrencia competitiva. Antes da resolución definitiva, publicarase a lista provisional das subvencións concedidas e outorgarase un prazo de cinco días naturais para que as asociacións e entidades sen ánimo de lucro poidan presentar as alegacións que estimen necesarias.
O prazo para a xustificación da subvención será o 5 de decembro deste ano para todas aquelas entidades que resulten finalmente beneficiadas con algunha destas axudas.
A anuncio da convocatoria, así como as bases da mesma pódense consultar nos arquivos adxuntos. Tamén se achegan os anexos cos impresos necesarios para solicitar as axudas e para xustificar a subvención, unha vez concedida.
