O Concello de O Pino organiza o vindeiro mércores, 4 de decembro, unha xornada de formación sobre o uso da sede electrónica e de diferentes plataformas para realizar xestións ante diferentes administracións públicas. A formación impartirase na aula TIC (antigo centro médico), a partir das 18.00 a 20.00 horas
Impartido por técnicos da Deputación da Coruña, o curso está dirixido a representantes de asociacións, empresariado, profesionais e cidadáns en xeral que queiran coñecer un novo xeito de tramitar e ver as súas xestións a calquera hora do día, dende calquera sitio e desde calquera dispositivo.
O seu principal obxectivo é dar unha serie de pautas sobre como utilizar a sede electrónica do concello e outras administracións (Deputación, Xunta, etc.), xa que se trata dun novo xeito de tramitar e de ver as xestións coa Administración sen colas nin horarios e con total transparencia, dende diferentes dispositivos.
Os interesados en participar poden solicitar máis información e inscribirse na Casa de Cultura (981 511 065) ou no correo electrónico cultura@opino.gal.
