Corenta maiores de O Pino foron ao balneario de Cuntis co programa Vai de Auga que remata hoxe

O alcalde de O Pino despediu esta tarde as persoas maiores de O Pino que nas últimas cinco semanas visitaron o balneario de Cuntis co programa Vai de Auga.
Grazas a esta iniciativa do Concello, 40 maiores do municipio acudiron ao Acquaform para recibir diferentes sesións nas augas termais deste balneario de Cuntis. O Concello sufragou o autobús e as persoas participantes aboaron os 70 euros polas cinco sesións que recibiron.
Vai de Auga comezou o pasado 18 de maio e rematou hoxe, despois de cinco visitas ao circuíto lúdico-termal. Antes de subir ao autobús esta tarde, as persoas participantes estiveron conversando co alcalde, Manuel Taboada, e coa concelleira de Cultura, Eva Varela.