Os nenos e nenas empadroados no Concello de O Pino que queiran formar parte da comitiva que acompañará ao Reis Magos o vindeiro 5 de xaneiro no seu percorrido polas parroquias do municipio deberán inscribirse na Concellaría de Cultura.
A Concellaría de Cultura volverá celebrar un sorteo para elixir aos paxes que irán na comitiva real, no que poderán participar todos os nenos e nenas empadroados no Pino que estean cursando 6º de Primaria no CPI Camiño de Santiago ou en calquera outro centro educativo.
Para participar, os interesados deberán descargar e cubrir a ficha de inscrición adxunta e remitila por correo electrónico a cultura@opino.gal antes do día 12 de decembro. O sorteo celebrarase o día 13.
O ano pasado foron 6 os paxes que acompañaron a Melchor, Gaspar e Baltasar no seu percorrido polas parroquias e, xa pola tarde, na recepción oficial a todos os nenos e nenas que fixeron no polideportivo de Arca.
