O próximo xoves, 29 de agosto, ás 20.00 horas, a Praza do Concello do Pino acollerá unha actuación do mago Henriko, un espectáculo dirixido a público familiar.
Baixo a aparencia dun mago desastroso, Henriko ofrecerá unha actuación sorprendente que combina humor, xogos arriscados con coitelos e perigosos equilibrios. Durante 50 minutos, o público poderá gozar dunha mestura de suspense e maxia, con momentos de levitación mística, a cargo da compañía de circo Simplemente Enricco.
Esta actuación está organizada polo Concello do Pino, en colaboración coa Rede Cultural da Deputación da Coruña.
