A área recreativa da Magdalena, en Castrofeito, volve a ser escenario este ano a fase comarcal do Campionato galego de campo a través escolar, na que competirán 700 atletas de 8 a 14 anos de centros escolares de O Pino, Arzúa, Frades, Ordes, Santiago, Teo, Touro e Vedra.Este campionato forma parte das actividades da Secretaría Xeral para o Deporte da Xunta de Galicia. A fase comarcal está organiza conxuntamente co Concello de O Pino, a Federación Galega de Atletismo e a propia Secretaria Xeral a través da Agrupación Deportiva La Parra.
Nas probas da Magdalena, que se desenvolverán entre as 11.00 e as 12.15 horas, compiten alumnos e alumnas das categorías benxamín, alevín, infantil e cadete (masculino e feminino en todas elas) dos centros escolas CPI Camiño de Santiago (O Pino), CEIP e IES de Arzúa, CPI Ponte Carreira (Frades), CEIP Mesón do Vento (Ordes), Xelmírez I e Apóstolo Santiago (Compostela), CEIP A Ramallosa (Teo), CPI Fonte Díaz (Touro) e CEIP Ortigueira (Vedra).
Os equipos e atletas que obteñan mañá os mellores resultados no Pino clasificaranse para a fase zonal, que se celebrará en Santiago o 19 de xaneiro do vindeiro ano. Para determinar a posición dos equipos puntúan os catro primeiros clasificados nas categorías benxamín, alevín e infantil, e os tres primeiros en cadete. Tamén pasarán a fase zonal os atletas clasificados nos postos 1 a 8 se non pertencen a ningún equipo.
