Os departamentos de deportes e servicios sociais do Concello de O Pino organizan un ano máis o programa Lecer Nadal, co que se pretenden facilitar a conciliación familiar nas datas máis complicadas do Nadal, así como conseguir que a cativada o pase en grande. Deste xeito, poderán participar os/as veciños/as de 3 a 12 anos que formalicen a inscrición na Casa Consistorial ata o 19 de decembro.
O servizo desenvolverase os días días 23, 24, 26, 27, 30 e 31 de decembro e o 2, 3, 7 de xaneiro do 2020 no CPI Camiño de Santiago, ubicado na localidade de Arca-Pedrouzo, nun horario de 8.30 a 14.30 horas. Os nenos e nenas terán que ser recollido entre as 13.30 e as 14.00 horas.
Lecer Nadal está dirixido á rapazada de O Pino e arrededores, polo que poderán participar sen estar empadroados, aínda que o prezo varía en función desta condición. Os nenos e nenas empadroadas contarán cunha subvención do 50% do custo total, pagando soamente 20€, mentres que os que non o estean, terán que aboar 40€ ao realizar a inscrición. Ademais as familias numerosas gozarán a maiores dun desconto dun 20% partir do/a segundo/a fillo/a.
A petición de admisión no servizo realizaranse cubrindo a ficha de inscrición e aportando a documentación que se require en dita solicitude que poderán recoller nas dependencias do Concello de O Pino e nos arquivos adxuntos a esta páxina.
O prazo de inscrición será ata o 19 de decembro do 2019.
