As aventuras e desventuras de ‘Duncan de Palleiro’, un can dunha raza moi especial, e o seu amigo Antonio, fixeron rir onte a pequenos e maiores na piscina municipal de O Pino durante a representación que Lila Teatro fixo dentro da programación de verán que organiza o Concello.
‘Duncan de Palleiro’ pertence a unha das razas máis emblemáticas de Galicia, a de palleiro, e onte foilles contando aos nenos de O Pino o seu día a día e como vivía con outros animais xunto co seu amo. Ao longo do espectáculo, ‘Duncan de Palleiro’ foilles contando a nenos e maiores o seu día a día e a relación que tiña cun amigo especial, que non apareceu no espectáculo ata a segunda parte do mesmo, ‘Antonio’. Entre os dous fixeron participar ao público e provocaron numerosas risas, case tantas entre os maiores como entre a cativada.
Unha hora divertida que rematou cunha adaptación moi especial da carapuchiña vermella. Ao final, os preto de cen asistentes ao espectáculo premiaron a representación cunha grande ovación, e foron moitos os nenos e nenas que se quixeron facer unha foto con ‘Duncan de Palleiro’ e o seu amigo Antonio.
Album de fotos no Facebook do Concello de O Pino (neste enlace)
