A Corporación do Concello de O Pino, na sesión plenaria ordinaria celebrada o 29 de setembro de 2021, aprobou por unanimidade a declaración institucional en Apoio do acceso da poboación aos servizos financeiros (expediente 869/2021), que di literalmente:
Nos últimos anos, as entidades financeiras están priorizando o uso das novas tecnoloxías para a realización da maioría dos trámites bancarios. Aínda que a banca electrónica aporta vantaxes de inmediatez e accesibilidade, unha implantación precipitada dificulta o acceso a servizos financieros básicos naqueles lugares onde a dixitalización aínda non se desenvolveu na súa plenitude ou naquelas persoas que teñen un menor desempeño nas novas tecnoloxías, con especial incidencia na poboación envellecida e que vive soa. Así todas as administracións públicas (estatal, autonómica e local), en colaboración coas entidades financeiras que operan en Galicia, debemos garantir que toda a poboación galega, con independencia do seu lugar de residencia e da súa idade, teña acceso aos servizos bancarios e financeiros, prestando especial atención ao ámbito rural e a poboación envellecida.
O feche de oficinas no rural, non só deixa sen un servizo básico a miles de persoas e a tódalas empresas que se atopen no noso concello, senón que, ademáis, obriga a todo o mundo a desprazarse a outras poboacións onde poder facer as súas xestións bancarias. Isto favorece a que se movilice a economía das poboacións onde os veciños vaian facer as súas xestións, e non a do noso concello. O feche de oficinas bancarias en pequenos concellos coma o noso, vai na contra das políticas de recuperación do rural e de igualdade de oportunidades para as localidades máis pequenas que a sociedade reclama na actualidade. Cantos menos servizos teña o rural, menos atractivo será e atraerá menos poboación, polo que o futuro plantéxase moi incerto.
Existe polo tanto, un verdadeiro risco de que os habitantes dos pequenos núcleos de poboación sufran exclusión financeira territorial ou xeográfica, o que lles obrigaría a desprazarse até núcleos máis grandes para facer xestiones tan rutinarias como dispor de diñeiro en efectivo, abrir unha conta corrente ou renovar unha tarxeta. Situación que se agrava coa nosa estrutura demográfica, marcada pola dispersión e o avellentamento, así faise especialmente grave a situación no caso das persoas maiores, privándoas dos seus dereitos e limitando seriamente as súas capacidades económicas, máxime cando é practicamente obrigatorio ter unha conta bancaria pero despois non se presta un servizo presencial.
Retirados os fondos municipais do Concello do Pino da entidade bancaria do Sabadell en contestación ao peche das súas oficinas e en solidaridade manifesta ca cidadanía, todos os concelleiros do Pino, conscientes da problemática existente asumen por unanimidade o compromiso firme:
- De instar ao goberno estatal e autonómico, en coordinación coas administracións locais, a posta en marcha dun plan estatal e autonómico contra a exclusión financeira, con medidas que garantan o acceso de toda a poboación aos servizos financeiros, con especial atención a xente maior. Entre estas medidas estaría a de impulsar unha normativa que regule a atención personalizada para a realización de servizos financeiros básicos ou esenciais e a un prezo asequible, así como convenios de colaboración coas entidades financeiras que operan en Galicia, en atención a medidas que faciliten o acceso da poboación aos servizos financeiros, tales como a instalación de caixeiros multientidades e programas de formación en banca electrónica.
- En aras á protección debida as nosos veciños, o concello do Pino comprométese a ceder espazos municipais para facilitar, en colaboración coas entidades financeiras, a prestación de servizos financeiros, a través da instalación de caixeiros, promovendo a atención presencial dos veciños e colaborando en programas de formación financeira e banca electrónica.
Asinado polos roceiros do Grupo Municipal do PP, do Grupo Municipal do PSdeG-PSOE e do Grupo Municipal do BNG.
