A atleta pinesa Cristina Carril Boo e outros tres integrantes do Club Atletismo O Pino foron seleccionados para competir coa selección galega no vindeiro Campionato de España de trail runing que se vai celebrar o vindeiro sábado, 7 de maio, na localidad barcelona de Berga.
A proposta do Responsable de trail running e do director técnico da Federación Galega de Atletismo, facíase pública a lista oficial de atletas convocadas e convocados para competir coa Selección Galega neste campionato. A lista está composta por un total de doce atletas, seis de cada categoría, entre os que figuran catro integrantes do Club Atletismo O Pino (3 mulleres e 1 home), e entre eses 4 está a atleta local Cristina Carril Boo, gañadora absoluta do Trail curto da Pobra, e podio absoluto no recentemente celebrado Trail do Ulla – Tambre. Cristina desenvolvese fantasticamente nesta especialidade do trail running, feito polo cal foi chamada para formar parte da selección autonómica da Federación Galega de Atletismo.
Os outros integrantes do Club Atletismo O Pino seleccionados son Patricia Noya, Silvia Fajíne e Alberto Carou.
A Selección Galega de Trail debuta neste Campionato de relativa recente creación, xa que con esta serán catro as edicións disputadas ata o momento. Ao longo das mesmas a Selección absoluta de Cataluña, con catro títulos, sitúase ao fronte do palmarés, seguida das seleccións de Valencia e País Vasco, cun título.
O obxectivo da Selección no seu debut non é outro que o de representar a unha modalidade atlética en importante incremento na nosa comunidade grazas en parte, ás excelentes condicións xeográficas e orográficas cas que contamos, como ao gran número de afeccionados e afeccionadas que buscan ademais de deporte e novos retos, unha contorna e un espazo natural diferente e motivador.
