O Concello do Pino organiza o II Concurso de Murais coincidindo coa celebración da Festa do Galo Piñeiro os días 1 e 2 de agosto de 2026. A este certame poderán presentarse persoas maiores de 16 anos residentes en España que acrediten experiencia no pintado de graffitis.
O obxectivo deste concurso é visibilizar, a través das técnicas do graffiti e mediante a creación dun mural urbano, as características que rodean ao Concello do Pino. Nesta segunda edición, as persoas participantes deberán presentar propostas relacionadas co Pino como última etapa do Camiño Francés ou coa Festa do Galo Piñeiro, declarada de Interese Turístico de Galicia.
Un xurado formado por cinco persoas será o encargado de elixir a persoa gañadora deste certame, que deberá rematar o seu traballo antes do 31 de xullo de 2026, aínda que esta data podería ser modificada.
Nos documentos adxuntos podes ler e descargar as bases do concurso e os anexos necesarios para participar.
