- A iniciativa da Xunta prestará servizos de audioloxía, podoloxía e estimulación da memoria
- O servizo estará no municipio os días 28, 29 e 30 de setembro
Coidados porta a porta, programa da Xunta de Galicia dirixido ás persoas maiores do rural coa fin de previr a dependencia, chegará ao Pino a finais de setembro. Unha unidade móbil estará situada entre a casa de cultura e o centro médico de Arca o mércores 28, o xoves 29 e o venres 30 de setembro para atender ás persoas maiores de 55 anos que o desexen e facilitarlles coidados de podoloxía e audioloxía, ademais de desenvolver exercicios de estimulación da memoria. Así mesmo, co fin de informar sobre os servizos ofrecidos adecuadamente, o día 28 de setembro ás 11.00 horas se realizará unha charla informativa na casa da cultura.
Coidados porta a porta percorre os concellos do rural galego para achegarse ás persoas maiores na súa contorna e ofrecerlles tres tipos de servizos: estimulación da memoria, podoloxía e audoloxía. A actuación no ámbito da estimulación da memoria busca retrasar e aminorar o proceso de deterioro cognitivo e céntrase nos ámbitos cognitivo e funcional vencellándoos a hábitos de vida saudables e a promoción do envellecemento activo como xeito de evitar a dependencia.
No servizo de podoloxía, os profesionais valorarán o estado xeral do pé das persoas usuarias, ademais de cortarlles e limparlles as unllas e eliminar durezas, calosidades e helomas. Por último, os maiores poderán someterse a unha exploración gratuíta do oído para comprar os seus niveis de audición e frear a perda auditiva.
Para poder gozar destes servizos, as persoas interesadas deberán concertar cita previa chamando aos teléfonos 622 748 283 ou 623 546 992. Tamén se pode obter máis información no enderezo electrónico coidadosportaaporta.politicasocial@xunta.gal.
