Podio cadete masulino, co gañador, Fernando Franco, no centro na primeira fila
Un animado ambiente e unha sá competitividade reinaron esta mañá na área recreativa da Magdalena, durante a celebración da fase comarcal do Campionato galego de cros escolar que organiza a Secretaría Xeral para o Deporte. Catro atletas do Pino conseguiron podio en tres das categoría, entre os que Fernando Franco gañou a proba de cadetes. (Album de fotos neste enlace)
Dos 700 atletas que esta mañá competiron nas oito categorías, 64 conseguiron clasificarse para a fase zonal que se disputará en Santiago o vindeiro 19 de xaneiro. Os oito primeiros clasificados en cada unha teñen xa a praza asegurada. A eles se sumarán algúns equipos, dos que aínda se descoñece o nome.
Organizada polo Concello de O Pino, a Federación Galega de Atletismo e a Secretaria Xeral para o Deporte a través da Agrupación Deportiva La Parra, nas probas de hoxe participaron atletas das categorías benxamín ata cadete (masculino e feminino) dos centros escolas CPI Camiño de Santiago (O Pino), CEIP e IES de Arzúa, CPI Ponte Carreira (Frades), CEIP Mesón do Vento (Ordes), Xelmírez I e Apóstolo Santiago (Compostela), CEIP A Ramallosa (Teo), CPI Fonte Díaz (Touro) e CEIP Ortigueira (Vedra).
Sara Vázquez, a esquerda diante, quedou terceira en cadete feminino
Os tres primeiros clasificados por categoría
Os tres primeiros clasificados en cada categoría foron:
Benxamín feminino: Carlota Blanco, Laura Mella e Irene López (as tres de Touro)
Benxamín masculino: Mateo Cancela (Touro), Jonatan Romero (Santiago), e Xabi Varela (Arzúa).
Alevín feminino: Natalia Argibay (Frades), Asunción Queijo (Touro) e Ariadna Gómez (Teo)
Alevín masculino: Anxo Suárez (Ordes), Juan Mella (Touro) e Markel González (Arzúa).
Infantil feminino: nara Sanmartín (Santiago), Nerea Martínez (Touro) e Mara González (Teo).
Infantil masculino: Yago Iglesias (Santiago), Xoel Blanco (O Pino) e Martín Iglesias (Arzúa).
Cadete feminino: Enma Argibay (Frades), Irena León (Touro) e Sara Vázquez (O Pino)
Cadete masculino: Fernando Franco (O Pino), Costel Birsanu (Arzúa) e Alex Ventosa (O Pino).
Pódese ver o álbum de fotos no Facebook do Concello (neste enlace)
