‘Con caldo, pan e viño… faise o Camiño’ é o lema que figuraba na cunca de barro coa que onte se puido degustar caldo de galiña piñeira, dentro da xornada de degustación gratuíta celebrada na Casa de Cultura de Arca dentro dos ‘Itinerarios gastronómicos do Camiño Francés’ que promove a Mancomunidade de Municipios Galegos do Camiño Francés.
Nesta ocasión, o restaurante Regueiro de Arca tamén preparou galo con patacas, que tamén puideron degustar os asistentes as dúas exposicións que se poden visitar na Casa da Cultura. Unha delas é a de Ana Rosa Lista Sebe con cadros feitos a bolillos de obras de Luis Seoane, e a outra unha mostra de panéis sobre ‘O fin do Camiño’, que promove o colectivo Egeria.
A xornada de onte foi a última do Itinerario Gastronómico do Camiño Francés, que en días anteriores tamén se celebrou no Cebreiro, e en Triacastela, Samos, Sarria, Paradela, Portomarín, Monterroso, Palas, Melide e Arzúa.
Album de fotos no Facebook do Concello de O Pino (neste enlace)
