Fixeron os 20 km de percorrido nun tempo de 2:01 e 1:34 horas, respectivamente ||
Cristina Carril, do Club Atletismo O Pino foi a terceira fémina ||
Chegaron a meta situada no cruceiro da igrexa de Arca 90 atletas ||
Beatriz Barroso Pérez, do Club Atletismo Noia (2:01:23) e Daniel Paz Pardo, do Club Deportivo Brión (1:34:45) foron os gañadores da primeira edición do Trail comarca Ulla-Tambre que se disputou nos vinte quilómetros que separan a área recreativa de Brandelos (Touro) do cruceiro da igrexa de Arca (O Pino). Completaron o podio en categoría feminina Eva de la Fuente (C.D. Brión, con 2:10:55) e Cristina Carril (C.A. O Pino, con 2:15:42). En categoría masculina foron Rubén Insua (C.A. Sar, con 1:35:38) e Alberto Villamor (GTR-Galaico, con 1:38:39).
Nesta primeira edición do Trail comarca da Ulla-Tambre chegaron a meta 90 corredores, dos 111 que estaban inscritos previamente, aínda que non todos tomaron a saída. Cun percorrido de 20 quilómetros, a proba percorreu algúns dos paraxes máis fermosos dos municipios de Touro e O Pino, como a fervenza do Batán, o miradoiro de San Sebastián ou o alto do Picón.
O Club Deportivo Brión foi o gañador na categoría de equipos, seguido do Club Atletismo O Pino e do BJ Joyas del Camino.
Por categorías, as clasificacións quedaron do seguinte xeito:
Máster 3 feminina: Marga Ledesma (3:39:08, co CA O Pino).
Máster 3 masculina: Juan Jesús Barral, Juan Carlos Martínez e Francisco Xosé Candia
Máster 2 feminina: Mónica Guardado, Maica Otero e Alicia Muiño. Os premios desta proba non eran acumulativos, motivo polo que nesta claterogía non aparecen as tres gañadoras absolutas
Máster 2 masculina: Roberto Riobo, Alberto Carou e Alejandro Pesado
Máster 1 masculina: Alex Sanmartín González, Marcos Mayo e Miguel Parcero.
Sénior feminina: Silvia Fajín e Noelia Amado
Sénior masculina: Carlos Fraga, Simón Barreiro e Miguel Iglesias.
Na entrega de trofeos participaron os concelleiros e concelleiras Eva Varela e José Manuel Carreira (O Pino) e Adela Iglesias (Touro); Pablo Núñez, director de Relacións Institucionais de Cobre San Rafael, e Ivan Sanmartín, como delegado da Federación Galega de Atletismo en Santiago.
AS clasificacións íntegras pódense ver en Carreiras Galegas (neste enlace)
