Convocatoria de axudas a proxectos de equipamentos tecnolóxicos para empresas do sector servizos cun investimento subvencionable entre 30.000 e 200.000 euros.
BENEFICIARIOS: Poderán ser beneficiarias destas axudas as pemes constituídas no momento de presentación das solicitudes e as persoas físicas, agrupacións de persoas físicas ou xurídicas, as comunidades de bens, ou calquera outro tipo de unidade económica ou patrimonio separado que, aínda carecendo de personalidade xurídica, poida levar a cabo as actividades ou estean na situación que motiva a concesión da subvención.
SECTORES INCENTIVABLES: Os proxectos subvencionables deberá estar vinculados á consolidación ou posta en marcha, entre outras, das actividades do sector construción, transporte e almacenamento, servizos hostaleiros de aloxamento, servizos de información e comunicacións, actividades profesionais, científicas e técnicas, educación, actividades sanitarias e de servizos sociais, actividades artísticas, recreativas e de entretenemento.
CONCEPTOS SUBVENCIONABLES:
- a) Bens de equipamento de carácter tecnolóxico en xeral ligados directamente ao servizo prestado pola peme.
- b) Equipamentos para proceso de datos.
- c) Software ligado ao servizo prestado pola empresa. Non será subvencionable calquera software que apoie procesos internos da empresa (como o propio ERP da empresa).
d) Activos fixos destinados ao almacenaxe e loxística (estanterías, sistemas de automatización, etiquetaxe e lectura de datos, elementos de transporte interior).
- e) Mobiliario e elementos decorativos, limitados ao 20% do investimento subvencionable total.
CONTÍA: A subvención poderá chegar ata o 40% do gasto subvencionable para medianas empresas e ata o 50% para pequenas empresas.
PRAZO: O prazo de presentación de solicitudes está aberto ata o 18 de febreiro de 2014.
O prazo de execución dos proxectos non poderá superar o 30 de setembro de 2014 para os proxectos que finalicen no 2014 e o 30 de xuño de 2015 para os proxectos que finalicen no ano 2015.
INFORMACIÓN:
– Nas oficinas territoriais do IGAPE
– No servizo de Atención Telemática a través do teléfono 902.300.903 ou 981.54.11.47
– A través de www.igape.es ou en informa@igape.es
NORMATIVA: http://www.xunta.es/dog/Publicados/2013/20131202/AnuncioO92-261113-0004_gl.pdf
Ficha resumo: http://app.igape.es/.axudas/ficha.asp?cod=IGAP261
