O Instituto Galego de Promoción Económica (IGAPE) convoca axudas para a creación de novas empresas en réxime de concorrencia competititiva (Galicia Emprende).
As axudas van desde o 35% do investimento, no caso das pequenas empresas, e o 25% para as medianas, sempre que se realice un investimento entre os 25.000 e os 500.000 euros.
Nesta primeira convocatoria poderán presentarse as solicitudes desde hoxe ata o 20 de xuño. Na segunda convocatoria poderán presentarse desde o 30 de xuño ata o 29 de setembro e na terceira convocatoria desde o 10 de outubro ata o 30 de novembro de 2017.
Dentro do prazo establecido na convocatoria para presentar a solicitude de axuda, os interesados deberán cubrir previamente un formulario descritivo das circunstancias do solicitante e do proxecto para o cal solicita a subvención a través da aplicación establecida no enderezo da internet http://www.tramita.igape.es
No suposto de que o solicitante sexa unha persoa física e non teña capacidade técnica ou económica, ou que por outros motivos non teña garantido o acceso e a disponibilidade dos medios tecnolóxicos precisos, poderá dirixirse ás oficinas centrais do Igape en Santiago de Compostela ou a calquera das súas oficinas territoriais, para que lle presten asistencia e medios para cubrir o formulario electrónico, ou a través do número de teléfono 900 81 51 51. Deste xeito obterase o formulario de solicitude. Unha vez cuberto o formulario, obterase o formulario normalizado de solicitude.
DOG do 17 de abril de 2017: http://www.xunta.gal/dog/Publicados/2017/20170417/AnuncioO92-270317-0001_gl.pdf
